Veni, Creator Spiritus Veni Creátor Spiritus, Mentes tuórum vísita; Imple supérna grátia Quae tu creásti péctora. Qui díceris Paráclitus, Donum Dei altíssimi, Fons vivus, ignis cáritas, Et spiritális únctio. Tu septifórmis múnere, Dígitus paternae dexterae, Tu rite promíssum Patris, Sermóne ditans gúttura. Accénde lumen sénsibus, Infúnde amórem córdibus, Infírma nostri córporis Virtúte firmans pérpeti. Hostem repéllas lóngius, pacémque dones prótinus; Ductóre sic te praévio, Vitémus omne nóxium. Per te sciámus da Patrem, Noscámus atque Fílium, Te utriúsque Spíritum Credámus omni témpore. Deo Patri sit glória, Et Fílio qui a mórtuis, Surréxit, ac Paráclito, In saeculórum saécula. Amen (canto gregoriano anonimo)